- शनिवार, कार्तिक २२ गते २०८३
TRENDING
लमजुङ । लमजुङ सदरमुकाम बेंसीसहरमा रहेको जिल्ला कारागारको गेट (प्रवेशद्वार) भत्किएको छ । कारागारको पश्चिमतिर रहेको कैदी र थुनुवा प्रवेश गर्ने एकमात्र गेट भत्किएको हो ।
कारागार प्रशासक बेनीबहादुर मुक्तानका अनुसार पानी परिरहेको बेला बुधबार अपराहन् पौने ५ बजेतिर पर्खालसहित गेट भत्किएको हो । उनका अनुसार करिब ३ मिटर पर्खाल भत्किएको छ ।
१० जना महिला र २५ जना पुरुष गरी ३५ जना क्षमताको कारागार भए पनि जिल्ला कारागारमा तेब्बर बढी कैदी र थुनुवा छन् । कारगारमा हाल ६ महिलासहित १ सय ८ जना कैदी र थुनुवा छन् ।
प्रमुख जिल्ला अधिकारी माधवप्रसाद पोखरेलका अनुसार जीर्ण पर्खाल भीषण पानी पर्दा भत्किएको हो । उनले भवन जीर्ण भएको र पर्खालहरुमा समस्या देखिएको बताए । विगतका वर्षमा पनि कारागारको पर्खाल भत्किने गरेको थियो । 'कारागार जीर्ण छ । भवन बनाउने प्रयास भैरहेको छ,' उनले भने ।
पर्खाल भत्किएपछि नेपाल प्रहरी र सशस्त्र प्रहरी थप परिचालन गरिएको प्रशासनले जनाएको छ । नेपाली सेना पनि कारागार सुरक्षार्थ परिचालनका लागि समन्वय भैरहेको प्रशासनले जनाएको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
