- शनिवार, कार्तिक २२ गते २०८३
TRENDING
लमजुङ । लमजुङको मर्स्याङ्दी गाउँपालिका-६, नाइँचे गाउँ नजिकै भीरबाट खसेको पहिरोले लागेर शनिबार एकजनाको मृत्यु भएको छ । ३ जना गम्भीर घाइते भएका छन् ।
पहिरोले लाग्दा ४० दशमलव २७ मेगावाटको सुपर न्यादी जलविद्युत् आयोजनामा कार्यरत अन्दाजी ४४ वर्षीय लगनध्वज गुरुङको मृत्यु भएको प्रहरीले जनाएको छ । बेंसीसहर नगरपालिका-८, मा अस्थायी रुपमा बस्दै आएका उनको स्थायी बासस्थानको पहिचान हुन बाँकी रहेको प्रहरी र आयोजनाले जनाएको छ ।
आयोजनाको निर्माण कम्पनीमध्ये जी एण्ड जी इन्फ्रा प्रालिका तर्फबाट मेकानिकल काम गर्दै आएका गुरुङसहितका कामदारहरु शनिबार दिउँसो क्याम्पमा खान खाने बेला एक्कासी भीरबाट पहिरो झरेको थियो । पहिरोले लागेपछि गुरुङको घटनास्थलमै मृत्यु भएको आयोजना स्रोतले बतायो ।
जिल्ला प्रहरी कार्यालय लमजुङका प्रमुख डीएसपी रेशम बोहराले शनिबार दिउँसो ३ बजेतिर घटनाबारे जानकारी पाएको र बाहुनडाँडा प्रहरी चौकीबाट प्रहरी खटाएको बताए । प्रहरीसहित कामदारहरुले ४ जनाको उद्धार गरेकोमा गुरुङ मृत अवस्थामा भेटिएका थिए । पहिरो लाग्दा गुरुङको मृत्यु भएको र घाइते ३ जनालाई उपचारका लागि बेंसीसहरस्थित प्रदेश अस्पताल ल्याइएको उनले बताए ।
दोर्दी गाउँपालिका-५ का २१ वर्षीय विराज गुरुङ, मध्यनेपाल नगरपालिका-७ बस्ने ३५ वर्षीय प्रितम लामा र प्युठान जिल्ला झिम्रुक गाउँपालिका-६ बस्ने २५ वर्षीय विकास विष्ट घाइते भएका छन् । घाइतेहरुको टाउको, हातखुट्टा, ज्यानमा चोट लागेको छ । उनीहरुलाई बेंसीसहरस्थित प्रदेश अस्पताल ल्याइएको प्रहरीले जनाएको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
