गोरखा, २९ साउन । पालुङटार नगरपालिका वडा नं ७ स्थित कोलडाँडामा कुमाल संग्राहालयको शुक्रबार एक कार्यक्रमका बिच पालुङटार नगरपालिकाका नगर प्रमुख दिपक बाबु कंडेलद्वारा शिलान्यास गरेका छन् । दुईवटा संग्राहालय पूणर् गर्ने आवधिक योजना अन्तर्गतको नगर प्रमुखको ड्रिम योजना भित्र रहेको उक्त योजना समयमानै सम्पन्न गर्ने गरि सुरुवात भएको नगर प्रमुख कंडेलले जानकारी दिए ।
कुल जनसंख्याको ११.२५% रहेका कुमालहरुको लामो ईतिहास बोकेको ठाउँ पालुङटार नगरीमा कुमालहरुको रितीरिवाज, रहन-सहन र अस्तित्व झल्किने खालको संग्राहलयबाट नगर भित्र तथा बाहिरका विद्यार्थीहरु लाई कुमाल संस्कृतिको अध्यापन गराउन सकिने र पर्यटकहरुको पनि विस्तार गर्न सकिने उनको भनाई छ । पालुङटार नगरपालिकाको वडा नं १, ४, ५, ६, ७, ८ र ९ मा कुमालहरुको बसोबास रहेको छ ।
विश्वब्यापी महामारीको रुपमा फैलिएको कोरोना भाइरसका कारण उत्पन्न जटिल परिस्थितिका कारण निर्माण हुन नसकेको उक्त संग्राहालय आ.ब. २०७७/७८ को बजेटबाट बिनियोजित बीस लाख रकमबाट सम्झौता बमोजिम समयमा नै काम सम्पन्न गर्ने गरि सनद निर्माण सेवाले उक्त कामको जिम्मा लिएको छ । कार्यक्रममा पालुङटार न.पा वडा नं ७ का वडाअध्यक्ष बसन्त कुमार श्रेष्ठ, वडा सदस्यहरु लगायत स्थानीयहरुको उपस्थिति रहेको थियो ।
दरौदी दैनिकबाट
.png)
