Logo

मंगलवार, मंसिर २ गते २०८३

images
२०८३, मंसिर २ गते
images

देउसीभैलोको रकम क्यान्सर पीडित तथा घाइतेलाई

देउसीभैलोको रकम क्यान्सर पीडित तथा घाइतेलाई

images

इच्छाकामना न्युज

२, मंसिर २०८३
देउसीभैलोको रकम क्यान्सर पीडित तथा घाइतेलाई
images

बागलुङ । जिल्लास्थित सुनौलो बागलुङ सामाजिक संस्थाले देउसीभैलो खेलेर सङ्कलित रकम क्यान्सर पीडित तथा दुर्घटनाका घाइतेलाई प्रदान गरेको छ । संस्थाले तिहारमा देउसीभैलो खेलेर सङ्कलन गरेको रु एक लाख ५५ हजार रकम क्यान्सर पीडित तथा दुर्घटनाबाट प्रभावित पाँच परिवारका सदस्यलाई प्रदान गरिएको संस्थाका अध्यक्ष दिलीप प्रतेलले जानकारी दिनुभयो ।

उक्त संस्थाले सामाजिक सेवाको उद्देश्यसहित पाच वर्षदेखि निरन्तर देउसीभैलो कार्यक्रम गरी त्यसबाट सङ्कलित रकम परोपकार क्षेत्रमा खर्चंदै आएको छ । जैमिनी नगरपालिका र बरेङ गाउँपालिकाका विभिन्न स्थानमा खेलेको देउसीभैलोबाट सङ्कलित रकमले जैमिनी नगरपालिका–१ का क्यान्सरपीडित चन्द्रकला थापा र मनबहादुर सोनमलाई रु २०/२० हजार आर्थिक सहयोग गरिएको छ ।

बरेङ गाउँपालिका–१ की सवारी दुर्घटना प्रभावित कुमारी पुनलाई रु ३० हजार, जैमिनी नगरपालिका–३ पौडेलबारीका बोनम्यारो क्यान्सरपीडित टेकबहादुर विकलाई रु ३० हजार र सोही वडाका प्यारालाइसिस पीडित दिलबहादुर छन्त्याललाई रु २० हजार सहयोग गरिएको अध्यक्ष प्रतेलले जानकारी दिनुभयो ।

जैमिनी नगरपालिका–१० का सवारी दुर्घटनामा परी प्यारालाइसिसबाट प्रभावित एकै परिवारका कृष्णबहादुर घर्ती र धनकली घर्तीलाई रु ३५ हजार सहयोग गरिएको छ । अध्यक्ष प्रतेलले देउसीभैलोको रकम परोपरकारी क्षेत्रमा खर्च गर्दै आएको बताउदै हाल रु एक लाख रकम संस्थाको खातामा रहेकाले आर्थिक रुपमा दुःख तथा पीडामा परेकालाई खर्च गर्ने बताउनुभयो ।

 
 

images
प्रकाशित मिति :मंसिर २, २०८३ मंगलवार - ११:०८:०९ बजे

इच्छाकामना न्युज

इच्छाकामना ब्रोडकाष्टिङ मिडिया प्रा. लि. द्वारा संचालित डिजिटल अनलाईन पत्रिका इच्छाकामना न्युज डटकम २०७४ साल जेठ देखि संचालनमा रहेको नेपाली भाषाको अनलाईन न्युज पोर्टल हो। ‘अब गाउँको खबर विश्वभर...’ भन्ने अभियानका साथ संचालित इच्छाकामना न्युज अनलाईन चितवनको इच्छाकामना गाउँपालिकाबाट संचालित पहिलो अनलाईन पनि हो। विशेष गरेर चितवनको इच्छाकामना गाउँपालिका सहित आसपासका स्थानीय तहहरु गोरखाको शहिद लखन र गण्डकी, तनहुँको आँबुखैरेनी र देवघाटका साथै धादिङको बेनिघाट रोराङ गाउँपालिकाको स्थानीय सरकारका गतिविधिका साथै विकास निर्माण, सुरक्षा, अपराध, कृषी, पर्यटन, सडक, विज्ञान–प्रविधि, रोजगारी, स्वास्थ्य, शिक्षा, मनोरञ्जन, साहित्य लगायतका सामाजिक–सांस्कृतिक मुद्दाका समाचारहरु हामी प्राथमिकताका साथ प्रकाशन गर्ने गर्छौ।

सम्बन्धित समाचार
images
images

Copyright © All right reserved to ichchhakamananews Site By: SobizTrend Technology