सिन्धुली, २५ माघ । सिन्धुलीमा जबरजस्ती करणी गर्ने महिलासहित दुईजना पक्राउ परेका छन् । जिल्ला प्रहरी कार्यालय सिन्धुलीले सोमबार दुईजना फरार प्रतिवादिलाई पक्राउ गरेको छ ।
जिल्लाको हरिहरपुरगढी गाउँपालिका ३ बनौलिकि ४३ वर्षिया बुद्धिमाया घिसिङलाई जबरजस्ती करणी मुद्धामा प्रहरीले पक्राउ गरेको छ । घिसिङलाई जिल्ला अदालत सिन्धुलीको २०७७ साल पौष २७ गतेको आदेशले छ वर्ष केैद सजाय तोेकेको थियो । त्यस्तै, हरिहरपुरगाढी गाउँपालिका ५ का रमेश राईलाई पनि प्रहरीले पक्राउ गरेको जिल्ला प्रहरी कार्यालय सिन्धुलीका प्रवक्ता प्रहरी नायव उपरिक्षक मनोज कुमार लामाले जानकारी दिनुभयो ।
उनलाई २०७५ साल साउन १२ को फैसलाले चोरी मुद्धामा एक महिना कैद र पाँच हजार एक सय रुपैँया जरिवाना तोकेको थियो । उनीहरु दुवै फरार रहेकोमा प्रहरीले खोजतलास गर्ने क्रममा पक्राउ गरेको हो । दुवैजनालाई अदालत सिन्धुलीमा बुझाइएको प्रवक्ता लामाले जानकारी दिनुभयो ।