Logo

मंगलवार, मंसिर २ गते २०८३

images
२०८३, मंसिर २ गते
images

कांग्रेस-एमाले छाडेर आउनेमाथि रास्वपा सांसद ज्वाला सङ्ग्रौलाको कटाक्ष

कांग्रेस-एमाले छाडेर आउनेमाथि रास्वपा सांसद ज्वाला सङ्ग्रौलाको कटाक्ष

images

इच्छाकामना न्युज

२, मंसिर २०८३
कांग्रेस-एमाले छाडेर आउनेमाथि रास्वपा सांसद ज्वाला सङ्ग्रौलाको कटाक्ष
images

राष्ट्रिय स्वतन्त्र पार्टी (रास्वपा) की सांसद ज्वाला सङ्ग्रौलाले कांग्रेस र एमाले परित्याग गरी आफ्नो पार्टीमा प्रवेश गर्नेहरूको नियतमाथि प्रश्न उठाएकी छन् । ठेक्का–पट्टा र कमिसनको स्वार्थमा रास्वपा प्रवेश गरेको आरोप लगाउँदै उनले पार्टीका पुराना सदस्यलाई विस्थापित गर्न खोजिएको टिप्पणी गरेकी हुन् ।

सामाजिक सञ्जाल फेसबुकमा आफ्नो धारणा सार्वजनिक गर्दै उनले नवप्रवेशी सदस्यले आगामी स्थानीय तह निर्वाचनका लागि मनलाग्दी रुपमा मेयरको उम्मेदवार घोषणा गर्दै हिँडेको उल्लेख गरेकी छन् । पार्टीका पुराना र इमानदार सदस्यलाई पाखा लगाएर पदको दाबी गर्ने प्रवृत्ति देखेर आफू छक्क परेको उनको भनाइ छ । 

पार्टी सभापतिले नै सार्वजनिक मञ्चबाट स्थानिय चुनावमा उम्मेदवारको खडेरी परेकोले एक ढिक्का हुन आह्वान गरिरहदा झापाकी माननीयको यस्तो प्रतिक्रिया आएको हो । 

'ठेक्का पट्टा र कमिसन हत्याउन कांग्रेस एमाले परित्याग गरी हतार हतार रास्वपामा प्रवेश गरी रास्वपाका पुराना र इमानदार सदस्यहरूलाई विस्थापित गरी आफूलाई अबको स्थानीय तहको मेयर त मै हुँ नि भनी घोषणा गर्दै हिँड्ने एक दुईजना साथीहरू देखेर छक्क परियो,' उनले लेखेकी छन् ।

त्यस्ता व्यक्तिलाई पार्टीले एकएक गरी चिन्ने र पाखा लगाउने उनको चेतावनी छ । १२ घण्टाअघिको उक्त स्टाटसको सन्दर्भमा सङ्ग्रौलाले आज फेरि थप स्पष्टिकरण दिएकी छन् । सबै नवप्रवेशीलाई नभई अवसरको खोजीमा दल बदल्दै घण्टी बोक्ने र कमिसनमा रमाउने केही अवसरवादीहरूका लागि स्टाटस लक्षित रहेको उनको प्रश्टोक्ति छ। 

नयाँ सदस्यको नियत र विगतमाथि प्रश्न उठाएकी सङ्ग्रौलाको आफ्नै विगत भने कम विवादित छैन । २०७८ सालमा खुश्बु घिमिरेमाथि कुटपिटको आरोपमा उनी पक्राउ परेकी थिइन् । त्यतिबेला ट्राफिक प्रहरी मणिकान्त झासँगको विवाद र रङ्गभेदी अभिव्यक्तिको आरोपले पनि उनी चर्चामा आइन् ।

संग्रौलाले प्रहरीलाई नाम सोधिन, नाम सुनेपछि भनिन् ‘तपाईं मधेसी, अब उता मधेसतिर जानु, खेती किसानी गर्नू । ट्राफिकको जागिर खाएर काम छैन ।’ प्रहरीको सरुवा गरिदिने धम्की दिएकी उनको यो विवाद मधेसी आयोगसम्मै पुग्यो ।

यिनै मुद्दा अनुसन्धान गर्नेक्रममा सङ्ग्रौलाले सरकारी कागजात किर्ते गरेको विषय पनि बाहिर आयो । त्यसपछि उक्त मुद्दामा पनि मुछिन पुगिन् । रवि लामिछानेको थुनासम्बन्धी अदालती आदेशपछि न्यायालयतर्फ लक्षित अभिव्यक्तिका कारण उनीविरुद्ध अदालतको अवहेलनासम्बन्धी मुद्दासमेत दर्ता भएको थियो ।

images
प्रकाशित मिति :मंसिर २, २०८३ मंगलवार - १२:२८:१० बजे

इच्छाकामना न्युज

इच्छाकामना ब्रोडकाष्टिङ मिडिया प्रा. लि. द्वारा संचालित डिजिटल अनलाईन पत्रिका इच्छाकामना न्युज डटकम २०७४ साल जेठ देखि संचालनमा रहेको नेपाली भाषाको अनलाईन न्युज पोर्टल हो। ‘अब गाउँको खबर विश्वभर...’ भन्ने अभियानका साथ संचालित इच्छाकामना न्युज अनलाईन चितवनको इच्छाकामना गाउँपालिकाबाट संचालित पहिलो अनलाईन पनि हो। विशेष गरेर चितवनको इच्छाकामना गाउँपालिका सहित आसपासका स्थानीय तहहरु गोरखाको शहिद लखन र गण्डकी, तनहुँको आँबुखैरेनी र देवघाटका साथै धादिङको बेनिघाट रोराङ गाउँपालिकाको स्थानीय सरकारका गतिविधिका साथै विकास निर्माण, सुरक्षा, अपराध, कृषी, पर्यटन, सडक, विज्ञान–प्रविधि, रोजगारी, स्वास्थ्य, शिक्षा, मनोरञ्जन, साहित्य लगायतका सामाजिक–सांस्कृतिक मुद्दाका समाचारहरु हामी प्राथमिकताका साथ प्रकाशन गर्ने गर्छौ।

सम्बन्धित समाचार
images
images

Copyright © All right reserved to ichchhakamananews Site By: SobizTrend Technology