Logo

मंगलवार, मंसिर २ गते २०८३

images
२०८३, मंसिर २ गते
images

भरतपुर अस्पतालमा बिरामीको चाप बढ्यो,दरबन्दी अभावले सेवा सञ्चालनमा कठिनाइ

भरतपुर अस्पतालमा बिरामीको चाप बढ्यो,दरबन्दी अभावले सेवा सञ्चालनमा कठिनाइ

images

इच्छाकामना न्युज

२, मंसिर २०८३
भरतपुर अस्पतालमा बिरामीको चाप बढ्यो,दरबन्दी अभावले सेवा सञ्चालनमा कठिनाइ
images

भरतपुर। भरतपुर अस्पतालमा चाडपर्व पछिको समयमा बिरामीहरूको भीड लागेको छ। अस्पतालका प्रमुख मेडिकल सुपरिटेन्डेन्ट डा विश्वबन्धु बगालेका अनुसार लामो बिदा र चाडपर्वका बेला खानपानको शैलीमा हुने परिवर्तनका कारण नियमित स्वास्थ्य जाँच गराउने तथा औषधि सेवन गर्ने बिरामीहरूको चाप बढेको हो।

डा बगालेले दिएको जानकारी अनुसार असार, साउन, भदौ र असोज महिनाको अन्त्यसम्म अस्पतालमा अत्यधिक बिरामीको चाप हुने गरेको छ। सामान्यतया अस्पतालमा दैनिक ३ हजार देखि ३ हजार ५०० सम्म नयाँ बिरामीहरू आउने गरेका छन्। विशेष गरी बिहान ९ बजेदेखि २ बजेको समयावधिमा अत्यधिक भिडभाड हुने गरेको उनले बताए। पिक सिजनमा दैनिक ३ हजार ८०० जनासम्म बिरामी आएको रेकर्ड रहेको छ भने आजको दिनमा पनि सोही अनुपातमा सेवाग्राहीहरूको उपस्थिति रहेको छ।
अस्पतालको प्रशासनिक तथा व्यवस्थापकीय चुनौतीबारे बोल्दै डा बगालेले मन्त्रिपरिषद्बाट अस्पताल ५०० बेडको लागि स्वीकृत भए पनि सोही अनुसारको दरबन्दी अझै प्राप्त नभएको बताए। अस्पतालमा चिकित्सकसहित कुल १७५ जनाको मात्रै स्थायी दरबन्दी रहेको छ।

५०० बेडको स्वीकृति आएको ३–४ वर्ष बितिसक्दा पनि नयाँ दरबन्दी सिर्जना नभएकाले बाँकी जनशक्ति अस्पताल विकास समिति मार्फत व्यवस्थापन गर्नुपर्ने बाध्यता रहेको छ। हाल ५०० बेडको स्वीकृतिप्राप्त अस्पताल भए पनि संरचनागत रूपमा १०० बेडको मात्र दरबन्दी सञ्चालनमा रहेको र त्यो पनि पर्याप्त नभएको डा बगालेले स्पष्ट पारे।

अस्पतालमा हुने अत्यधिक भिडभाडलाई कम गर्न र सेवाग्राहीलाई सहजता प्रदान गर्न प्रविधिको प्रयोगलाई तीब्र पारिएको छ। हाल नेपालमै सबैभन्दा बढी अनलाइन टिकट काट्ने अस्पतालहरूको रूपमा भरतपुर अस्पताल रहेको उनले दाबी गरे। दैनिक ३०० देखि ४०० जनासम्मले अनलाइनमार्फत टिकट लिने तथा भुक्तानी गर्ने गरेको र यसले गर्दा लामो लाइन बस्नुपर्ने झन्झट घटेको छ। साथै, बिरामीहरूले आफ्ना रिपोर्टहरू मोबाइलबाटै हेर्न र मेसिनमार्फत प्रिन्ट लिन सक्ने व्यवस्थालाई थप व्यवस्थित बनाइएको छ।

 
 

images
प्रकाशित मिति :मंसिर २, २०८३ मंगलवार - १३:३२:०३ बजे

इच्छाकामना न्युज

इच्छाकामना ब्रोडकाष्टिङ मिडिया प्रा. लि. द्वारा संचालित डिजिटल अनलाईन पत्रिका इच्छाकामना न्युज डटकम २०७४ साल जेठ देखि संचालनमा रहेको नेपाली भाषाको अनलाईन न्युज पोर्टल हो। ‘अब गाउँको खबर विश्वभर...’ भन्ने अभियानका साथ संचालित इच्छाकामना न्युज अनलाईन चितवनको इच्छाकामना गाउँपालिकाबाट संचालित पहिलो अनलाईन पनि हो। विशेष गरेर चितवनको इच्छाकामना गाउँपालिका सहित आसपासका स्थानीय तहहरु गोरखाको शहिद लखन र गण्डकी, तनहुँको आँबुखैरेनी र देवघाटका साथै धादिङको बेनिघाट रोराङ गाउँपालिकाको स्थानीय सरकारका गतिविधिका साथै विकास निर्माण, सुरक्षा, अपराध, कृषी, पर्यटन, सडक, विज्ञान–प्रविधि, रोजगारी, स्वास्थ्य, शिक्षा, मनोरञ्जन, साहित्य लगायतका सामाजिक–सांस्कृतिक मुद्दाका समाचारहरु हामी प्राथमिकताका साथ प्रकाशन गर्ने गर्छौ।

सम्बन्धित समाचार
images
images

Copyright © All right reserved to ichchhakamananews Site By: SobizTrend Technology