गोरखा, ५ साउन । पोखरीमा डुबेर पालुङटार नगरपालिका ८ मुलाबारीकी १३ वर्षिय ऋचा नेपालीको मृत्यु भएको छ ।
बुधबार खेतमा रोपाईं गरेर फर्किएर हातखुट्टा धुन खोज्दा चिप्लेर पोखरीमा खसेपछि नेपालीको मृत्यु भएको प्रहरीले जनाएको छ ।
दिउँसो करिब १ वजे पोखरीमा डुबेपछि नेपालीलाई उद्धार गरेर उपचारका लागि धुवाँकोट स्वास्थ्य चौकीमा लगिएको थियो । तर, उनको उपचारका क्रममा दिउँसो करिब साढे २ वजे मृत्यु भएको हो ।
बालिकाको शव पोष्टमार्टमका लागि गोरखा अस्पताल ल्याइएको प्रहरीले जनाएको छ ।