गोरखा, ३ मंसिर । गोरखाका चारवटै प्रदेश निर्वाचन क्षेत्रमा निर्वाचन क्षेत्र पूर्वाधार विकास कार्यक्रम अन्तर्गतका बजेट तथा कार्यक्रम बाँडफाँट भएका छन् । बिगत केहीदिनदेखि गरिएका बैठकहरुबाट सांसदहरुले बजेट तथा कार्यक्रम बाँडफाँट गरेका हुन् ।

निर्वाचन क्षेत्र १ ‘क’ बाट निर्वाचित सांसद लेखबहादुर थापाको अध्यक्षतामा सम्पन्न बैठकले कार्यक्रम अन्तरगत ३० योजनामा २ करोड रकम विनियोजन गरेको छ । कुल योजना मध्ये गण्डकी गाउँपालिका र सहिद लखन गाउँपालिकामा ९÷९ योजना र गोरखा नगरपालिकामा १२ वटा योजना परेका छन् ।

गण्डकी गाउँपालिका १ मा काऊले समुदायिक कृषि भवन निर्माणका लागि ६ लाख, गण्डकी गा.पा. २ मा कृषिऊपज संकलन केन्द्र निर्माण गोर्दीटारका लागि ६ लाख, गण्डकी गापा ३ मा तिवारीगाउ मासाजुडे पुण्यगाऊँ बटुकी भैरब मन्दिर जाने सिढी(पर्यटकीय पदमार्ग) निर्माणका लागि ६ लाख, गण्डकी गापा ४ मा ढाबे गैरीचौतारा कृषि सडक स्तरोन्नतिका लागि ६ लाख रकम छुट्याईको छ । गण्डकी गापा ५ मा रानागाउँ स्वास्थ्य इकाई भबन निर्माणका लागि ७ लाख, गण्डकी गापा ६ मा सुनौलो युबा क्लब भवन निर्माणका लागि ६ लाख, गण्डकी गापा ७ मा घ्याल्चोक सामुदायिक भवन (अधुरो पूरा गर्ने)का लागि ९ लाख, गण्डकी गापा ८ मा नयाँगाउँ खेलमैदान अधूरों भवन निर्माणका लागि ६ लाख, वसन्तऋतु पोल्ट्री फर्मको (पूर्वाधार तथा व्यवस्थापन)निर्माणका लागि ५ लाख विनियोजन भएको छ ।

त्यस्तै, सहिद लखन गापा १ मा सानो दिप्लिङ महिला समूह अधुरो भवन निर्माणका लागि ७ लाख, सहिद लखन गापा २ मा आरुबोट मगर गुठी भवन निर्माणका लागि ७ लाख, सहिदलखन गापा ३ मा माथिल्लो वनौती कामीगाऊ (अधूरो) भवन निर्माणका लागि ६ लाख, सहिदलखन गापा ४ मा करङ बगर खेलमैदान निर्माण, ठेउवाटारका लागि ६ लाख र सहिद लखन गापा ५ मा चन्देश्वरी महिला भवन निर्माण, तिनमानेका लागि ६ लाख रकम छुट्याइएको छ । सहिदलखन गापा ६ मा दार्चे सामुदायिक भवन अधुरो निर्माणका लागि ७ लाख, सहिद लखन गापा ७ मा महिला वहुउदेस्यिय सामुदायिक भवन निर्माणका लागि ७ लाख, सहिद लखन गापा ८ मा हटिया कोटकाली क्लब भवन निर्माणका लागि ७ लाख, सहिदलखन गापा ९ मा सातदोबाटो सामुदायिक भवन निर्माण (साबिक–२ न)का लागि ७ लाख रकम विनियोजन भएको छ ।

गोरखा नगरपालिका १ मा दलित जनजागरण महिला समूह भवन निर्माणका लागि ७ लाख, गोनपा २ मा केउरेनी आरन आधुनिकीकरणको लागि ट्रस्ट निर्माण तथा औजार÷उपकरण खरीदका लागि ६ लाख र हुन्चिङगाउँ–चण्डीथान–जुगेपानी–धारापानी कृषि सडक निर्माणका लागि ७ लाख, गोनपा ३ मा सामुदायिक भवन निर्माण (नारेस्वरभोगटेनी)का लागि ७ लाख, गोनपा ४ मा शहिद जुना तथा राममाया स्मृति भवन अधूरो निर्माणका लागि ७ लाख, गोनपा ५ मा अपांग भवन स्वाँरा अधूरो निर्माणका लागि ४ लाख, गोनपा ६ मा संचारमार्ग सामुदायिक भवन अधुरो भवन निर्माणका लागि ६ लाख रकम छुट्याइएको छ । यस्तै, गोनपा ७ मा नयाबसपार्क सामुदायिक भवन निर्माणका लागि ५ लाख, गोनपा ५ मा रोकाङ बहुउद्देश्यीय कृषि फार्म निर्माणका लागि ९ लाख, गोनपा २ मा खानेपानी मर्मत तुरतुरे धारा ट्यांकी निर्माणका लागि ६ लाख, गोनपा ५ मा एकीकृत माछापालन पुर्बाधार तथा अन्य ब्यबस्थापन, बोहोराबेसीका लागि ७ लाख र गोनपा ४ मा आरुस्वाँरा मेलबिसौना मुस्लिम कब्रस्थान कम्पाउडिङ निर्माणका लागि ६ लाख रकम विनियोजन गरिएको छ ।

निर्वाचन क्षेत्र १ ‘ख’ मा निर्वाचन क्षेत्र पूर्वाधार विकास कार्यक्रम अन्तरगत ३० योजनामा २ करोड रकम बाँडफाड गरिएको छ । प्रदेश सांसद रामशरण बस्नेतको अध्यक्षतामा सम्पन्न बैठकले कुल ३० योजना मध्य भिमसेन, आरुघाट र धार्चे गाउँपालिकाका ९÷९ वटा योजना र चुमनुब्रीमा ३ योजना परेका छन् ।

भीमसेन थापा गाउँपालिका १ मा दलित बस्ती पिपल डाँडा–पाताल खानेपानी आयोजनाका लागि १६ करोड, भीमसेनथापा गापा २ मा तान्द्राङकोट डुम्कारे मन्दिर कम्पाउण्ड एवम् झण्डा स्थापनाका लागि ६ लाख, भिमसेन थापा गापा ३ मा फलेथोक खेलकुद मैदान स्तरोन्नतीका लागि ५ लाख, भिमसेन थापा गापा ४ मा रैथाने पिपल डाँडा हुँदै महादेवस्थान मोटरबाटो स्तरोन्नति(कृषि सडक)का लागि ८ लाख र भीमसेन थापा गापा ५ मा खान्चोक सामुदायिक भवन निर्माणका लागि ९ लाख रकम छुट्याईएको छ । भिमसेनथापा गापा ७ मा क्यामुनाटार रुखाथुम सिढीँ बाटो निर्माणका लागि ४ लाख, भिमसेनथापा गापा ८ मा महादेव शान्ति युवा क्लव खेलकुद मैदान निर्माणका लागि ३ लाख रकम विनियोजन गरिएको छ । भिमसेनथापा १ मा धारापानी चापाखोला खानेपानी (पाइप खरिद) गैह्राथोक सपुङेका लागि ४ लाख र भिमसेनथापा गापा ३ मा नवज्योति मा.वि. कम्पाउन्डीङ वाल तथा ग्राउण्ड (सामाग्री खरीद) निर्माणका लागि ५ लाख रकम छुट्याइएको छ ।

आरुघाट १ मा मान्बु घाम्लिङ भिर बाटो रेलिङ निर्माणका लागि ६ लाख, आरुघाट ७ मा भ्यागुते बडरे स्तुलखोला नियन्त्रणका लागि १५ लाख, आरुघाट ६ मा आप्रीक गेट निर्माणका लागि ४ लाख, आरुघाट ५ मा पिपलडाँडा आमा कृषक समुह तथा महिला सामुदायिक भवन निर्माणका लागि ८ लाख, आरुघाट ३ मा लिजा कृषि तथा पशुपन्क्षी फराम(बाख्रा खोर) निर्माणका लागि ४ लाख, आरुघाट २ मा दलित जनजाती उत्थान महिला समुह भवन मर्मतका लागि ६ लाख रकम छुट्याइएको छ । आरुघाट ८ मा प्रगतिशिल कृषक समुह हिउँदे सिचाई योजना का लागि ४ लाख,आरुघाट १० मा दाजुभाई कृषि तथा पशुपन्क्षी फर्म (बाख्रा खोर) निर्माणका लागि १० लाख र आरुघाट ४ मा पाखुरे बासपुर कृषि सडक निर्माणका लागि ५ लाख रकम विनियोजन गरिएको छ ।

त्यस्तै, धार्चे गाउँपालिका ५ मा सिंला आधुनिक कृषि फारम माछा पोखरी निर्माण एवम् घेराबार कार्यका लागि ७ लाख, धार्चे ३ मा देउचेत कृषि तथा पशुपन्क्षी फारम ट्राउट माछा पालन पुर्वाधार निर्माणका लागि ९ लाख, धार्चे ५ मा तल्लो गाउँदेखि माझगाउँ जाने गोरेटो बाटो निर्माणका लागि ७ लाख र आरन निर्माण योजना गुम्दा माथिल्लो दलित बस्तीका लागि ३ लाख रकम विनियोजन गरिएको छ । धार्चे ४ मा लाप्राक समाज यसवा क्लव खेलकुद मैदान निर्माण एवम् घेराबारका लागि ५ लाख, धार्चे ३ मा उहिया दलित बस्ती आरन निर्माणका लागि ४ लाख, धार्चे २ मा केरौँजा काशिगाउँ कृषि सडक स्तरोन्नतीका लागि १५ लाख विनियोजन गरिएको छ । धार्चे ७ मा नमुना कृषक समुह पुर्वाधार निर्माण तथा सिंचाइ सामाग्री खरिदका लागि ४ लाख, धार्चे ३ पाङसखर्कमा भुक्प स्मृति पार्क निर्माणका लागि ४ लाख रकम छुट्याइएको छ ।

चुमनुब्री गाउँपालिका ३ पाङसिङमा पाङसिङी आधारभुत विद्यालय संरक्षण/सामाग्री खरिदका लागि ७ लाख, चुमनुव्री ४ प्रोकमा प्रोक खेलकुद मैदान निर्माणका लागि ५ लाख, चुमनुव्री ३ फिलिममा मनाश्लु कृषि तथा पशुपन्क्षी फारम (बाख्रा खोर) निर्माणका लागि ६ लाख रकम विनियोजन गरिएको छ ।

त्यस्तै निर्वाचन क्षेत्र नम्बर २ ‘क’ मा सांसद हरिशरण आचार्यको अध्यक्षतामा बसेको बैठकले विभिन्न योजनामा बजेट बाँडफाँट गरिएको छ ।

२ करोडको बजेट २९ योजनामा बाँडफाँट गरिएको निर्वाचन क्षेत्र पूर्वाधार समितिले जनाएको छ । पालुङटार नगरपालिकामा १७ वटा र गोरखा नगरपालिकामा १२ वटा गरी कुल २९ वटा योजना छनौटमा परेका छन् । गोरखा नगरपालिकाका १२ वटा योजनामा ७९ लाख र पालुङटार नगरपालिकाका १७ वटा योजनामा एक करोड १५ लाख बजेट छुट्टाएइको छ ।

सबै भन्दा धेरै पालुङटार नगरपालिका वडा नम्बर ९ मा टासी छोइलीङ गुम्बा तथा तामाङ एकता समाज भवन निर्माणका लागि १८ लाख र गोरखा नगरपालिका–१४ मा हटीय बुढीकोटी मन्दिर सिँडी निर्माणका लागि १८÷१८ लाख रकम छुट्याइएको छ ।

गोरखा नगरपालिका–८ सशस्त्र व्यारेक खड्का गाउँ बरभञ्ज्याङ रानीबन बाटो निर्माणका लागि १० लाख, गोरखा नगरपालिका ९ मा ठिङुरेस्वाँरा भेटनरी हुदै सिर्दिखोला बाटो निर्माणका लागि ५ लाख, गोनपा ९ मा सिर्जनशील दलित एकता समाज भवन निर्माणका लागि ५ लाख, गोनपा १० मा मुनराइज क्लव, साझा फेदी तथा तीनधारे टोल विकास संस्थान भवन निर्माणका लागि ९ लाख, गोनपा ११ मा दरौदी बगर तथा कृषि उत्पादन सहकारी भवन निर्माणका लागि ६ लाख, गोनपा १३ मा सत्यदेवी महिना समूह भवन निर्माणका लागि ४ लाख, गोनपा १४ मा याङकोट खेलकुद मैदान निर्माण तथा खेलकुद सामाग्री खरिद गर्नका लागि ६ लाख रकम विनियोजन भएको छ । गोनपा ९ मा सल्यान धारा पक्की सडक देखि धारा सम्म जाने सिडी बाटो निर्माणका लागि २ लाख, गोनपा ८ मा सम्मिलित आमा समूह भवन निर्माणका लागि ४ लाख, गोनपा १० मा मस्र्याङदी बचत तथा ऋण सहसकारी सस्था भवन निर्माणका लागि ४ लाख रकम छुटयाइएको छ ।

त्यस्तै, पालुङटार नगरपालिका १ मा भैसेपानी सामुदायिक भवन निर्माणका लागि ७ लाख, पानपा २ मा ओढारे सामुदायिक भवन निर्माणका लागि ५ लाख र आचार्य गाउँ कुलायन पूर्वाधार निर्माणका लागि १० लाख, पानपा ३ मा कदली सामुदायिक भवन निर्माणका लागि ६ लाख, पानपा ४ मा सिर्जना युवा क्लव भवन निर्माणका लागि ६ लाख, पानपा ब्लुस्टार युवा क्लव भवन मर्मत तथा निर्माणका लागि ९ लाख रकम छुट्याइएको छ । पानपा ७ मा बोटगाउँ सामुदायिक भवन निर्माणका लागि ६ लाख र सक्रिय महिला समुह भवन निर्माणका लागि ४ लाख, पानपा ६ मा च्याङ्ली चर्च निर्माणका लागि ७ लाख, पानपा ९ मा मदने डाँडा चर्च निर्माणका लागि ५ लाख रकम छु्ट्याइएको छ । पानपा १०मा कुनार चोक भारतीगाउँ बज्रेखोला कृषि सडक निर्माणका लागि ५ लाख, पानपा ८ मा डाँडागाउँ गौलिटार रातमाटे कृषि सडक स्तरोन्नतीका लागि ७ लाख, पानपा ८ मा पङडाँडा लामाचौर भवन निर्माणका लागि ३ लाख, पानपा ५ मा शिवशक्ति युवा क्लव भवन निर्माणका लागि ५ लाख, पानपा ६ मा साम्पा छोइलिङ गुम्बाका लागि ८ लाख र पानपा ३ मा डुम्रीडाँडा दलित भवन निर्माणका लागि ५ लाख रकम विनियोजन गरिएको छ ।

त्यस्तै निर्वाचन क्षेत्र नं. २ ‘ख’ मा सांसद प्रकाशचन्द्र दवाडीको अध्यक्षतामा सम्पन्न बैठकले विभिन्न कार्यक्रम बजेट बाँडफाँट गरिएको छ । दुई करोड रकम ३० वटा योजनामा बाँडफाँट गरिएको निर्वाचन क्षेत्र पूर्वाधार बिकास समितिले जनाएको छ । सबैभन्दा बढी बारपाक सुलिकोट गाउँपालिका मा १६ वटा योजना छनोट भएका छन् । उक्त योजना का लागी कुल १ करोड १८ लाख ६६ हजार रकम छुट्याइएको छ ।

बारपाक सुलिकोट–४ सौरपानीको स्मृती कृषि फर्म (बाख्रा खरिद तथा पूर्वाधार निर्माण) का लागी १५ लाख र वडा नम्वर ६ ताकुकोट स्थित शिव मन्दिर निर्माणका लागी १२ लाख ६६ हजार रकम विनियोजन गरिएको छ । सोही गाउँपालिका वडा नम्वर २ बारपाकको थालीडाँडा पोङ पदमार्ग तथा मान्द्रे स्कुलको स्टेज निर्माणका लागी दश लाख, वडा नम्वर २ बारपाक स्थित स्नान सामुदायिक मण्डली रेलिङ आँगन घेरावार तथा चर्पी निर्माणका र वडा नम्वर ५ स्थित जलकन्या तथा चन्द्रकला बिद्यालय घेरावार निर्माणका लागी ८÷८ लाख रकम विनियोजन भएको छ ।वडा नम्वर ७ देउराली स्थित शैलपुत्र माविको खेलमैदान निर्माण, वडा नम्वर ३ स्वाँरा स्थित काफलडाँडा चिहान ट्रष्ट तथा सामुदायिक भवन मर्मत र सोही वडाको देवडाँडा मञ्जुश्री युवा क्लब भवन तथा खेलमैदान निर्माणका लागी ७÷७ लाख रकम छुट्याइएको छ ।

वडा नम्वर ३ स्वाँरा स्थित स्तुल खोला प्राविको रिटर्निङवाल निर्माण, वडा नम्वर २ बारपाकस्थित खुम्चे गुम्वा निर्माण, वडा नम्वर ४ सौरपानी स्थित थानी प्रावि घेरावार तथा शिवशक्ति क्लब खेलमैदान निर्माण, सोही वडाको सौरपानी स्थित सुलिकोट सौरपानी युवा सञ्जालको भवन निर्माण र वडा नम्वर २ अलगाउँ तुम्सिका सामुदायिक भवन निर्माणका लागी ६÷६ लाख रकम विनियोजन गरिएको समिति संयोजक दुवाडीले बताए । त्यस्तै वडा नम्वर ४ को केउरा अल्लो तथा जडिवुटी संकलन तथा प्रशोधन केन्द्र निर्माण तथा सामग्री खरिद र सोही वडाको अव्राहम कृषक फर्म निर्माणका लागी ५÷५ लाख र वडा नम्वर १ को संस्कार कृषि तथा पशुपंक्षी फर्म निर्माणका लागी ४ लाख रकम विनियोजन भएको छ ।

अजिरकोट गाउँपालिकामा आठ वटा योजनाका लागि ४२ लाख ६८ हजार रकम छुट्याइएको छ । वडा नम्वर १ मिलिमवेशी घट्टेखोला पाप्ले सिम्जुङ हुदै गाउँपालिका जोड्ने मोटरबाटो निर्माण र वडा नम्वर ३ टुटुवान हंसपुर स्थित टुटुवान समाज घर निर्माणका लागी ८÷८ लाख रकम विनियोजन भएको छ । वडा नम्वर ५ मुच्चोक स्थित मल्लेआमा समूह भवन मर्मत खेलमैदान तथा ढल व्यवस्थापनका लागी ६ लाख, वडा नम्वर ४ सिम्जुङ स्थित साझेदारी कृषि तथा पशुपंक्षी फर्मको भौतिक पूर्वाधार निर्माण र वडा नम्वर २ खरिबोट स्थित खिम्पु गुम्वा निर्माणका लागी ५÷५ लाख, वडा नम्वर ५ मुच्चोक स्थित चौतारा जेष्ठ नागरिक समूहद्धारा मन्दिर निर्माण (लक्ष्मी नारायण मन्दिर) र वडा नम्वर ४ सिम्जुङ स्थित ताप्ले बुद्धज्योती यूवा क्लब खेलमैदान निर्माणका लागी ४÷४ लाख रकम छुट्याइएको छ । वडा नम्वर २ खरिवोटको शहिद इश्वरलाल गेट निर्माणका लागी पनि २ लाख ६८ हजार रकम परेको छ ।

सिरानचोक गाउँपालिकामा ६ योजनाका लागी ३२ लाख ६६ हजार रकम विनियोजन भएको छ । वडा नम्वर ३ हर्मी स्थित प्रगति महिला जागरण सापकोटा गाउँ महिला समूह भवन निर्माणका लागी आठ लाख, वडा नम्वर १ भिरसिङ केरावारी स्थित खेलमैदान निर्माण तथा खेल सामग्री खरिदका लागी ६ लाख ६६ हजार रकम छुट्याइएको छ । वडा नम्वर ५ चित्रेपोखरी स्थित कैलाश कृषि पशुपंक्षी तथा माछा फर्मको पूर्वाधार निर्माण र वडा नम्वर ७ आरुवोट श्रीनाथकोट स्थित गुरुङ समाज चिहानडाँडा निर्माणका लागी ५÷५ लाख एवं वडा नम्वर ६ गाखु स्थित लालीगुरास महिला समूह भवन निर्माण र वडा नम्वर ४ छोप्राक स्थित फिरफिरे आरुवोटे सामुदायिक भवन निर्माणका लागी ४÷४ लाख रकम परेको छ । प्रशासनिक खर्च तर्फ ६ लाख रकम छुट्याइएको छ । अन्य निर्वाचन क्षेत्रमा भने रकम बाँडफाँडको काम बाँकी रहेको पूर्वाधार बिकास कार्यालयले जनाएको छ । दरौदी दैनिकबाट