- बिहिवार, श्रावण २८ गते २०८३
TRENDING
भगवती न्यौपाने, कपिलवस्तु, १२ जेठ । एक साता अघि आएको हावा हुरी सहितको असिना पानीले विभिन्न ठाउँमा किसानले लगाएको तरकारी र केरा खेतीमा क्षति पु¥याएको छ । कपिलवस्तुमा पनि पानीको कारण किसानले ठूलो आर्थिक क्षति बेहोरेका छन् ।
हावाहुरी र पानीका कारण कपिलवस्तुको वाणगङ्गा नगरपालिका वडा नम्बर १ उपटहवा उत्तमनगरका शङ्कर पाण्डेले केरा खेतीमा ठूलो क्षति पुगेको बताउनुभयो ।
करिव १० कठ्ठा जमिनमा लगाएको २ सय केराका घार भुईमा ढलेका छन् । हावाहुरीका कारण पसाईसकेका र भर्खर पसाउन लागेका केराको बोटमा भएको क्षतिका कारण ३ लाख बराबरको क्षति पुगेको उहाँले बताउनुभयो ।
सोही दिन आएको हावाहुरी सहितको असिना पानीले अन्य फलफूल तथा तरकारी बालीमा समेत ठूलो क्षति पु¥याएको छ । करिव ८२ कठ्ठा जमिनमा लगाएको तरकारी तथा फलफूल खेतीमा समेत असर पुगेको लुम्बिनी बहुउद्देश्यीय एग्रिकल्चर प्रालिका अध्यक्ष पिताम्बर पोखरेलले बताउनुभयो ।
१० कठ्ठा जमिनमा लगाएको करेला, १५ कठ्ठामा लगाएको तरबुजा ,१५ कठ्ठामा फलेको फर्सि, ५ कठ्ठाको घिरौला, र १० कठ्ठामा फलेको बोडी पूर्ण रुपमा नष्ट भएको छ । जसको कारण २५ लाख भन्दा बढिको मूल्यको क्षति भएको पोखलेको भनाई छ । हावाहुरी र असिनाले पु¥याएको क्षतिको विवरण सङ्कलन गरि क्षतिपूर्ति दिन किसानले माग गरेका छन् ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
